Booking.com

Booking.com

Favorite Links

Tuesday, April 7, 2020

湯文亮:股市樓市係唔係手足?

文章日期:2020年4月7日

【明報專訊】有老友問樓市股市係唔係手足?我唔明白他的意思,原來是齊上齊落之意,我反問,各自爬山是不是手足,老友話也是,我認為應該是各自爬山或者各自潛水,股市樓市很難做到齊上齊落。

近日股市大跌,尤其是匯控(0005),跌到令人慘不忍睹,但樓市就硬過鐵,由去年6月社運開始,就算有不可抗力的新冠肺炎疫情,樓價指指亦只不過下跌7%,但同期股市下跌了20幾個巴仙,由此可見,股市樓市並不是齊上齊落,現在是各自潛水,股市先潛,樓市稍後,老友話我講得很玄,叫我試舉例說明,不過要實例,唔好作古仔。

老實說,寫評論文章,邊到有咁多實例,大多數都是道聽塗說,加上不少幻想,就寫成一篇,如果用實例,很可能構成侵犯私隱而惹上官非。總之,評論文章,啱睇就睇,唔啱睇就唔睇。

股樓關係錯綜複雜 未必齊上齊落

不過,我有一個實例,在個幾月前,有代理話有客出9000萬元買我們一層工廠,那個物業是用300萬元買回來,收20幾年租,賣9000萬元,回報應該很好,代理認為十拿九穩,誰不知我推了,原因是在社運及新冠疫情夾擊之下,仍然可以賣到這個價錢,當社運及疫情緩和,賣1億以上也不出奇,代理明白,事情亦告一段落。

上周中原潘子明在同一物業畀我一個Offer,但僅8500萬元,我話要先問之前曾經出價的物業代理,如果他的客仍可維持原價,我就要賣畀那位客人,但原來那位客人已經縮沙。結果,潘總的手下做成了買賣。

潘子明問我是否見形勢不佳,放走一些物業,揸多一些現金傍身,我話不是,我們每月收租都不止8500萬元,現金亦足夠,如果我們亦捱不過「寒冬」,相信香港九成幾以上的企業要執笠,我接受那個價錢純粹是以物易物心態,當日匯控股價60元,我有打算賣走那層工廠樓之後買入匯控,當時可以買150萬股,結果我沒有賣走那層工廠樓,亦沒有買入匯控。今日我雖然以8500萬元賣出,但匯控股價跌至不足40元,當賣走那層工廠樓之後,我最少可以買212萬股匯控,多了62萬股匯控,所以我可以接受較低價錢,以此為例,股價跌,樓價亦有機會跟着跌。當然,股樓雖然有關連,但錯綜複雜,很難一概而論,不能一本通書睇到老。

紀惠集團行政總裁
[湯文亮 敢說反話]

No comments:

Post a Comment