Booking.com

Booking.com

Favorite Links

Thursday, January 26, 2017

教師夫婦30歲退休 因為及早買樓



教師夫婦30歲退休 因為及早買樓

生活逼人,香港人只能做到老、學到老,然而外國年輕人退休個案卻愈來愈多,最過份係近年有對外國教師夫婦,打工8年,還埋學生貸款,已經搵夠退休⋯

呢兩公婆,就係Joe同Ali,2004年喺學校認識,結咗婚後,一齊去Las Vegas教書。當時一家零資產,無人無物,有嘅,就只有一雙手,結果,卻畀佢今日做到財務自由,環遊世界。



點解可以做到?先由Las Vegas講起吧,據佢哋講,所謂第一桶金,都係慳番嚟,喺Las Vegas打工,生活成本低,除咗住間細嘅apartment,兩公婆仲好少出街食,更少請人食飯,久而久之,兩公婆得以將75%收入儲起,然後再投資滾存。
儲起75%收入

人工得咁多,點樣可以搵多啲?佢哋話,少數宜長計,私下教兼職,一個summer搵唔少。假設一家年收入係35000蚊美金,如果一年靠兼職搵多3500蚊,即係收入大增一成﹗抱住呢種諗法,佢哋兩公婆最盡令年收入大增五成,加上節衣縮食,財源就慢慢廣進。

2008年,佢哋見個樓市都跌咗兩年半,終於決定唔觀望,買入12萬美元市值嘅樓(兩萬美元作首期),成為第一個收租物業,樓價中途跌過,但坐貨唔等於蝕錢,兩公婆忍到兩年後出手,賣36萬美金,於是,咁又多咗退休「子彈」。

佢哋話,就算樓價跌,因為租金收入都仲係多過按揭供款,所以買樓點都有賺。就係因為佢哋成功將「買好過租」實踐,最終持有過15個收租物業,偏佈 Michigan、Vermont呢啲地區(三分之一喺Vegas),生活基本無憂。部份物業更於2013年因為巴菲特一句「要買家庭式住宅」而被帶旺,後來有對沖基金入市推高樓價,得以升值。

(圖片:Joe同Ali,想去邊就去邊。)

時至今日,佢哋淨資產都已經有1百萬美金,算好多嗎?其實唔多,不過佢哋知足,30歲就急流勇退,2015年8月正式退休,一家三口去咗環遊世界,閒時寫下小說同blog咁,出書做作家,然後再同大家講,錢係唔重要。

被問到今時今日仲有無買樓,佢哋話無了,因為已經退休,近年轉買equities同index funds多,嘗試建立另一種投資。從Joe同Ali嘅個案睇,買樓收租,真係成功關鍵。

部份資料來源:businessinsider

No comments:

Post a Comment